Tamazigh

Corona DZ > Tamazigh

Iswi-nneɣ 

Nekkni s terbaɛt-agi n yisdawanen izzayriyen; ttekin deg-s imejjayen, imussnawen n twennaḍt,  ijenyuren, imussnawen n tdamas d wiyiḍ, nedukkel, neldi asmel (amḍiq) web ɣef coronavirus akken  ad d-nefk afus i wid akk yekkaten ad neqḍen di tmurt n Lezzayer aṭṭan-agi n coronavirus (Covid-19). Neldi asmel (amḍiq) web imi nwala ddeqs n yisallen i yettazalen deg web d tɣmasa, ur bnin ara ɣef kra n lsas.    Ihi negmen-d akken ad d-nefk akk isallen iseḥḥan d kra n umaynut i yelaqen i uɣref azayri yerzan aṭṭan n coronavirus .

 

Iswi n usmel Web :

  • Ad d- nettak isallen  iseḥḥan ara fehmen akk medden  ɣef coronavirus (Covid-19);
  •  Ad nettak awal i yimussnawen akken ad welhen yerna ad seknen i yemdanen amek ara qablen aṭṭan-agi akken ur yettenṭaḍ, ur yettemmeɣ d wamek ara kkesen lxiq di tallit-agi;
  • Ad nili d imezwura ara d yettaken  i yizzayriyen, yal amaynut yerzan Coronavirus
  • Yal ass, ad d-nettak  leryuy n yimdebbren ɣef wamek yadda waṭṭan-agi di tmurt d kra n tansiwin n wid i yzemren ad d-fken afus.

Deg uvidéo-agi, ad nefk ansi i d-yekka uvirus-agi, amek yettemmeɣ, amek i d-yettbin, amek ara t-iqerreɛ umdan d wamek ara t–iqerreɛ ɣef uxxam-is d tmetti.

Ttxilwet suffeɣet isallen-agi  i yimedukkal-nwen deg tansiwin web (Facebook, viber…) akken ad tḥebsem aṭtan –agi ur yettemmeɣ ara.

D acu i d avirus-agi n ? deg wacu yemgarad ɣef tbaktiriyin niḍen d waṭṭan n ubeḥri ?

Acuɣer ur as d-ufin ara ddwa ara t-ineqḍen ?

Amek ay kkaten imussnawen akken ad as d-afen ddwa d ucraḍ?

Amek  ɣer kra n yemdanen ur icax deg-sen waṭtan-agi, ɣer wiyiḍ  yeseɣli-ten?

Ma tebɣam ad teẓrem ugar ɣef coronavirus, walit timlilit –agi n Ahmed Shanna COVID-19,

d amussnaw n biotechnologie, yesefhem-d d acu-t uvirus-agi yerna yefka-d ay d-yesedmer ddwawi yellan tura.

 

COVID19 (CORONAVIRUS)

Tiɣri n yimusnawen izzayriyen  yellan deg berra n tmurt 

 

Amek ara tḥadrem iman nwen di tmurt  d wid ay ken –iqerben
A tiyemmatin-nneɣ, A yibabaten-nneɣ, A yatmaten, a tiysetmatin n tmurt-nneɣ, a yizzayriyen

Coronavirus d aṭṭan yuɣen akk dunnit, yettanṭaḍ mliḥ mliḥ yerna yekkat ɣer turin. Ar ass n wass-a ur s-d-ufin ara kra n ddwa.   Ihi, tifrat-is, yessefk kan ad nqerreɛ covid-19 akken ur yettemmeɣ ara ɣer waṭas n yemdanan.

Nekkni s terbaɛt-agi n yimusnawen izzayriyen yettidiren tmura tiberraniyin, nesawel-awen-in akken ma tell-am akken ad tḥadrem iman-nwen yerna ad teslem i rray d iwellihen n yimdebbren n tmurt d wid n tuddsa tagraɣlant n tadamsa (OMS) akken ur yettemmeɣ ara wṭṭan-agi n coronavirus (COVID-19)

Akken ad tḥadrem iman-nwen yerna ad tḥadrem wiyiḍ, ilaq:

    1. Walit amek ara tqerrɛem avirus:
  • Avirus-agi, yettanṭaḍ mi ara  tseblɛem tisusaf n yiwen ihelken mi  i d-yettusu neɣ yeɛḍes-d sdat-k
  • Tisusaf-agi zemmrent ad neṭṭḍent deg yifassen-nwen neɣ deg wudem-nwen. Ihi,  mi tellam di berra, uqbel ad tsirdem, ur ttnalet allen-nwen, ur ttnalet anzaren-nwen, ur ttnalet imi-nwen.

Ha-t-a wamek ara tqerrɛem avirus-agi akken ur yettemmeɣ ara :

    • Ur ttemlilit ara di ddeqs yid-wen (timeɣriwin, timliliyin n waddal d tid n tmetti…)
    • Xḍut i  yigrawen imeqranen imi d wigi ay yesnṭaḍen mliḥ aviru-agi ;
    • ma yella tuḍnem, ma yella tḥulfam i yiman-nwen teɛyam, ma tesɛam tawla, ma tḥussem yewwet-iken ubeḥri, xḍut-as i tẓallit n lǧameɣ akken ur tesnṭaḍem avirus-agi, ur yettemmeɣ
    • ur ttselimet, ur ttqerribet ɣer wiyiḍ
    • Ma tḥussem yewwet-iken ubeḥri (tawla d tussut takiwant), siwlet i yimdebbren n tdawsa yerna ḥizet iman-nwen  deg uxxam, ma drus snat ledwar neɣ alamma teḥlam.
    • Ma yella izat fell-awen waṭṭan, ilaq ad twalim amejjay ( Ṭṭbib)
    • ḥebset  tirezzaf ɣer imawlan neɣ ɣer yimedukkal ama s axxam am ɣer Ssbiṭar
    • Siridet aṭas n tikkal, ifassen-nwen akken ilaq s waman d ssabun ladɣ mi d-kecmem si berra.
    • Akken teqqimem deg yelha-yawen. Ur tteffeɣt ara ma yella macci s tmara
    • Hizzet iman-nwen ɣef yemɣaren, ɣef yimuḍan d wid yesɛan aṭṭan ur nḥellu yecban aṭṭan n ssker d win n wul

 

Ur ɣellɛet ara 

Timura n ddinit akken ma llant slant i yiwellihen-agi imi d wigi kan i yzemmren ad qerrwen tawaɣit-agi.

Kra n tmura sawweḍent ad ḥizzent aṭṭan-agi imi, ma  uryettuḥettem aralḥal, ur ǧǧin ara imdanen ad mlilen. Ihi, ula d nekkni, ilaq ad neddu deg ubrid-agi akken ad nqerreɛ aṭṭan-agi di tumurt, ur yettenṭaḍ, ur yettemmeɣ.

Nekkni s yimusnawen n Lezzzayer am d wid n tdawsa ama d wiyiḍ, nessutur-awen ad d-slem akken ilaq  i yiwellihen –agi.

Ad iḥud Rebbi fell-awen, ad iḥud ɣef yixxamen-nwen, ad iḥud ɣef lezzayer i merra.

——————————————————————————————————————————————————————————————

Imusnawen izzayriyen n tmura tiberraniyin saramen i  yizzayriyen d yixxamen-nsen akken ma llan remḍan amerbuḥ yerna suturen di Rebbi ad yekkes aṭṭan-agi ɣef tmurt-nneɣ d ddunit merra,

Tabratt-agi yura-yawen-tt-in s yisem n yimussnawen izzayriyen yettidiren di tmura tiberraniyin,  yiwen umussnaw azzayri ay d-yufraren gar wiyiḍ:

Message Prof. Farid-Tamazight (1)